呢排時興粥底火鍋套餐，多左唔少茶餐廳推出之餘，亦開左唔少專門店，九龍城新開嘅「有米鍋粥底火鍋」就係其一。
$198 免加一，有 7 款時令海鮮、5 款自選食材，加埋蔬菜、粥底，呢個價錢係幾吸引。海鮮係鮮甜嘅，不過同外面幾間價錢相若嘅粥底火鍋相比，份量唔多亦都偏細隻，或者因為咁而令湯底鮮甜度不足。肉類都唔差架，但亦切得較薄欠肉味，所以烚完所有食材之後，粥底都係唔夠味，只剩低一盤蔬菜粥，感覺有啲可惜。
同埋被女店員黑口黑面唉聲嘆氣十問九唔應咁對待，真係唔太高興，好彩兩位男店員（疑似老闆？）非常有禮貌搭救。Feel 到老闆有心做好佢嘅，希望喺食材安排上多花功夫改善下啦。